হাঁহি

(এটি বিহু সুৰীয়া গীত)

হাঁহিবানে ঐ হাঁহিবানে ঐ, নাচনী

হাঁহি হাঁহি নাচিবানে ঐ.......৷

নৈৰে পাৰতে বৰ গছৰ তলতে

চেনাই মোৰ ঐ বিহুৰ তলিতে

ঢোলে দগৰিলে পেঁপাটি বাজিলে

ফুলাম বিৰিষতে কুলিয়ে বিনালে

দেহা মন জুৰুৱা পচোৱা বলিছে

উলাহতে দেওদি কঁহুৱা হালিছে৷

হাঁহিবানে ঐ হাঁহিবানে ঐ, নাচনী

হাঁহি হাঁহি নাচিবানে ঐ………৷

আজি বিহু বুলি মৰম আকলুৱা

চকুলৈ নোচোৱা কিয় এনেকুৱা

কিয় মন নোবুজা মোৰ

বিহুগীতৰ হেৰাই যায় সুৰ

অবুজন ভাষাবোৰ বুজিব নোৱাৰো

অ মোৰ আলাসৰ লাৰু৷

হাঁহিবানে ঐ হাঁহিবানে ঐ, নাচনী

হাঁহি হাঁহি নাচিবানে ঐ……….৷

তোমাৰ  হাঁহিতে  বহাগৰ  কপৌ  ফুল

দেখি  মন  উগুল  থুগুল

কল্পনা  কৰিছো  মনতে  ভাৱিছো

হিয়াৰ  একোণতে  জুকিয়াই  ৰাখিছো

অ  মোৰে  নাচনী,  তোমাৰে  ছবিটি

অতি  হেপাহেৰে  বুকুতে  সাৱতি৷

হাঁহিবানে ঐ হাঁহিবানে ঐ,নাচনী

হাঁহি হাঁহি নাচিবানে ঐ………৷

০০০০০০০০০)(০০০০০০০