ফাগুণৰ পচোৱা

(এটি গীত)
গছে বনে নাচি বাগি কয় 

 
ফাগুণৰ পচোৱা, 

ধৰালৈ আহিছ তই 

ধূলি বালি গাতেলৈ 

ঘূৰি পকি নাচি নাচি 

আহিছ নাচনীজনী হৈ৷


তোৰ পৰশতে মোৰ 

ঘৰৰ খিড়িকীৰ দুৱাৰৰ পৰ্দাই 

উলাহতে নাচিবাগি

বেৰৰ কেলেণ্ডাৰ ছবিকো নাচিবলৈ কয়৷

গছে বনে…….


কোনেনো নেনাচে তোৰ পৰশত

ডোলৰ কাপোৰে নোতুলেনে লহৰ

নাচনীৰ চুলিতাৰি আৰু গাৰ ৰিহাখনি 

তোৰ সৈতে গুচি যাব খোজে৷

গছে বনে……


মৰমেৰে উপচাই

দেহমন শীতলাই 

যাৱ তই চুইচাই

তেও চোন তোৰ সৈতে

দেখা দেখি নাই৷


গছে বনে…….


তোৰ খংউঠিলে

লগত আহেনো কোন

মৰম নোবুজেচোন

যেন কোনো নহয় আপোন৷


গছে বনে…